- A previsión fora
rexistrada nunha notaría ourensá o pasado 28 de marzo de 2014 por membros da
asociación Foro Cívico Progresista.
- O nomeamento dos
novos funcionarios foi publicado no BOP de Ourense o martes 24 de xuño de 2014,
errando o colectivo nun dos cinco nomes augurados.
- O alcalde do
municipio ourensán, Eliseo Fernández, ostenta o cargo dende 1987.
Ourense, 26 de Xuño de
2014
Esta mañá no Ateneo de Ourense, membros
da asociación Foro Cívico Progresista (FCP) fixeron pública unha acta notarial
na que enumeraban o nome das cinco persoas que conquerirían, a posteriori, as
cinco prazas de funcionario/a de carreira, na categoría de auxiliar administrativo,
convocadas polo concello de Pereiro de Aguiar o pasado 25 de agosto de 2013. As
bases do proceso selectivo foran modificadas, xa, en setembro do mesmo ano,
tras recursos presentados polo excesivo peso da fase de concurso que,
finalmente, sería suprimida, resultando un proceso con fase, soamente, de
oposición para o cal presentaron instancia máis de 475 persoas.
Posteriormente, o 15 de febreiro de 2014, tres días despois de constituir un
tribunal formado, case na súa totalidade, por funcionarios da Deputación de
Ourense, tivo lugar o primeiro exame, que deu lugar ás sospeitas.
O “augurio”, explicou
Javier Rey, voceiro do colectivo, foi depositado ante notario o 28 de marzo de
2014, antes do segundo exercicio do total dos tres que conformaron o proceso, tras
diversas sospeitas manifestadas ao FCP por varios opositores que suspenderan o
primeiro exame. No documento rexistraron o nome de cinco persoas, entre as que
non se atopaban, sintomáticamente, os opositores que obtiveron maior puntuación
nese primeiro test, senón persoas próximas ao alcalde e ao Partido Popular .
Finalizado o proceso e
publicado o nomeamento como funcionarias de carreira no Boletín Oficial da
Provincia do 24 de xuño de 2014, o cotexo co augurio depositado ante notario
por membros do FCP amosa un acerto en catro dos cinco aprobados. Porén, a quinta
das aprobadas, que non figuraba no augurio, Mª del Pilar Conde Lorenzo,
integrara a lista do Partido Popular nas municipais de 2007 en Pereiro de
Aguiar, encabezada polo actual alcalde, Eliseo Fernández, no cargo dende 1987.
A iniciativa, explica
Javier Rey, “pretende pór de relevo o
xeito en que se desenvolven as relacións de poder na provincia de Ourense,
caracterizadas pola falta de transparencia, a discrecionalidade, a ausencia
absoluta de respecto á cidadanía e na que todo depende de a quen coñeces e do
que che deben.”
A asociación Foro
Cívico Progresista, explica Rey, que foi presidente da “Casa da Xuventude” de
Ourense entre 2004 e 2006, “é un
colectivo formado por persoas con traxectoria no movemento asociativo, de
esquerdas – unhas con militancia política e outras non - que pretende canalizar, sorteando as dificultades
das dinámicas partidistas, as
inquedanzas e as indignacións daqueles que, sendo maioría, están a ser
humillados por uns poucos, como as decenas de opositores que se presentaron a
este proceso en Pereiro.”
 |
| Javier Rey, voceiro, e Jonathan Da Silva, membro da asociación |
Ningún comentario:
Publicar un comentario